قاعدة 10-20-30: سر العروض التقديمية الناجحة!
القسم
تصميم الجرافيك
إذا كنت تبغى تصمم عرض تقديمي مميز وناجح، لازم يكون عندك خطة واضحة لتنظيم وقتك والمحتوى بطريقة احترافية!
وواحدة من الطرق المشهورة لهذا الشي هي قاعدة 10-20-30، اللي تساعدك على جعل العرض أكثر فاعلية
وجذب للحضور، وفي هذا المنشور راح نشرح لك التفاصيل بشكل مبسط
قاعدة 10-20-30 هي مبدأ مشهور في عالم العروض التقديمية، ويعتمد على تقسيم العرض بطريقة بسيطة7 وواضحة، حتى يكون أكثر تأثيرًا وجذبًا للاهتمام، خلني أشرح لك القاعدة بالتفاصيل
-العدد 10 بمعنى انك ما تستخدم أكثر من 10 شرائح في العرض:الفكرة هنا انك تركز على أهم النقاط فقط، لأن الناس ما يحبون العروض الطويلة اللي تكثر فيها التفاصيل، فالأفضل تكون العروض مختصرة على أبرز الأشياء اللي تهم الجمهور.
العدد 20 يعني ان العرض لازم ما يتعدى 20 دقيقة:مع الوقت، الناس يبدأون يفقدون تركيزهم، فالأفضل تركز على الأفكار الرئيسية وتشرحها بسرعة عشان تضمن انك توصل المعلومة في الوقت المحدد، وتحافظ على حماس الحضور.
العدد 30 يشير إلى ان حجم الخط في الشرائح ما يقل عن 30 نقطة:لأن هذا يساعد الحضور في قراءة النص بسهولة، خصوصاً إذا كان في قاعة كبيرة أو على شاشات بعيدة، وضوح النص مهم حتى يسهل على الناس وما يتعبون أو يتشتتون.
قاعدة 10-20-30 تعتبر توجيه عام لتحسين العروض التقديمية، لكنها مو قاعدة صارمة! لازم تكون مرن وتعدل حسب نوع العرض والجمهور.
المهم انك تحرص على توصيل الفكرة بشكل واضح وسريع حتى تظل في دائرة الانتباه! جربوها وراح تفرق معكم جدا في تعزيز عروضكم التقديمية.
